اللى شايف نفسه راجل بجد واللى شايفها نفسها بنت جدعه يدخلوا

من طرف **Admin** السبت أكتوبر 10, 2009 3:44 am

--------------------------------------------------------------------------------

االسلام عليكم ورحمة الله وبركاته
إن شاء الله هتعرفوا علاقة العنوان بالموضوع فى الآخر إن شاء الله
شوفوا يا جماعة النهارده بعد الفجر جا فى بالى حاجه وعاوز أقولها لكم
والحاجه دى عباره عن سؤال وهو (لحد أمته إحنا هنفضل كده؟)
هو ده اللى أنا فكرت فيه ،لحد أمته هنفضل كسلانين؟ لحد أمته هنفضل
منعملش اللى علينا ؟
يا أحباب الغرب بيشتغل بإديه ورجليه وسنانه وإحنا حالنا أنتو عارفينو
حالنا لا يسر حبيب لكنه يسر عدو والعدو يتمنى لنا أن نكون أسوء وأسوء
فإلى متى هذه الغفلة ؟
أحبتى لا تغرنكم تللك الأفلام الهابطه والكليبات الساقطه اللى بيبعتهالنا الغرب
وإياكم أن حد يقول أن الغرب كله كده ،لأ، الحاجات دى معموله لتضليل العرب
عامة والمسلمين خاصة أما الغرب فعندهم ناس متفرغين للعمل والدليل على كده
أن الغرب أصبح فى الصورة اللى إحنا شايفنها دلوقتى أما العرب والمسلمين
فعاشوا حياة مليانه بالأفلام والمسلسلات والأغانى والتقصير وياريت تكون
الحاجات دى من عند الغرب بس لكن للأسف أيضا بتيجى من عندنا إحنا
لازم نفووق لازم نتغير لازم نعمل حاجه .ليه كل طالب عاوز ينجح وخلاص
ليه يا أخى متتطلعش الأول؟ ليه متكنش أحسن واحد؟
الدراسه على الأبواب أنا عاوز كل تلميذ وكل طالب يوعدنى أنو هيحاول يطلع
الأول هيحاول يعمل كل اللى يقدر عليه وعاوز كل واحد خلص تعليم وبيشتغل
أنو يحاول يكون أحسن واحد فى مهنته يحاول يكون الأول
لازم نكون أحسن ناس يا جماعة
فاللى شايف نفسه راجل بجد واللى شايفه نفسها بنت جدعه يوعدونى أنهم
هيعملوا حاجه
وأنا هبدأ بنفسى :أنا بعلنها أدامكوا كلكم أن أنا قررت اكون أحسن من كده
قررت أنى مش هضيع وقت بعد كده وهعمل كل اللى هقدر عليه مع بداية الدراسة
إن شاء الله هعمل كل اللى عليا علشان أكون الأول وإن شاء مع انتهاء الفصل الدراسى
الأول هقولكم على تقديرى إن شاء الله
ملحوظة مهمة جدا: معاكوا لحد ليلة أول يوم فى الدراسه وهعد عدد الردود اللى جاء فيها كلمة
بوعدك أنى هعمل كذا وكذا وكذا والرد اللى مش هلاقى فيه الكلمه دى مش هحسبه وعد
إن لم أجد 100وعد على الأقل من 100عضو مختلف وطبعا 100عضو بالنسبه لعدد أعضاء
المنتدى عدد قليل جدا جدا جدا إن لم أجد 100 وعد أنا هنسحب من المنتدى لان أنا قررت
أن تكون طموحاتى وأحلامى عاليه فأنا عاوز أكون مع ناس يشدونى لفوق ومش هقدرأكون عضو
فى منتدى أعضائه طموحاتهم ضعيفة.
وأدينا هنشوف
قال تعالى (وقل اعملوا فسيرى الله عملكم ورسوله والمؤمنون)
قال النبى صلى اله عله وسلم(إن الله يحب إذا عمل أحدكم عملا أن يتقنه)